Of mikil pressa

John Terry, fyrirliði enska landsliðsins, biður fólk um að róa sig í gagnrýni á sóknarmanninn Wayne Rooney sem spilar fyrir Manchester United. Rooney hefur ekki skorað í mótsleik fyrir landsliðið síðan í júní 2004 og hefur verið talsvert frá sínu besta í undanförnum leikjum fyrir United.

"Wayne er frábær leikmaður og því setur hann staðalinn mjög hátt. Þegar hann á nokkra leiki í röð þar sem hann nær ekki staðli fer fólk að efast um hann. Hann er klárlega í heimsklassa og ég er viss um að þegar hann nær að skora þá munu fleiri mörk fylgja í kjölfarið," sagði Terry og talaði um að þó Rooney sé ekki búinn að skora lengi þá sé hann að vinna vel fyrir liðið.