Skiluðu fánanum til lögreglu

Tveir ungir menn skiluðu rússneska fánanum í gærmorgun en honum hafði verið stolið aðfaranótt laugardags úr garði rússneska sendiráðsins við Garðastræti 33 í Reykjavík.

Starfsmenn rússneska sendiráðsins tilkynntu um þjófnaðinn til lögreglu snemma morguns á laugardag og hóf lögreglan strax að rannsaka málið. Fljótlega fékk lögreglan afhent myndefni sem náðist á eftirlitsmyndavélar við sendiráðið sem sýndu mennina þrjá vera að stela fánanum. Að sögn lögreglu náðust skýrar myndir af mönnunum þremur sem sýndu greinilega hverjir voru að verki. Rússneska sendiráðið hefur þegar kært þjófnaðinn til lögreglu.