Yfirlæknir fái aftur fyrra starf

Stjórn Læknafélags Reykjavíkur hefur sent frá sér ályktun með eindregnum tilmælum til yfirstjórnenda Landspítalans um að Stefán E. Matthíasson yfirlæknir verði settur aftur í fyrra starf.

Í ályktun félagsins segir að Héraðsdómur Reykjavíkur hafi fyrr á þessu ári dæmt áminningu sem yfirstjórnendur LSH veittu Stefáni ólögmæta og yfirstjórnendur LSH virðist hafa komist að sömu niðurstöðu. Það veki því athygli að ekki sé fallist á endurkomu Stefáns í fyrra starf sitt og að yfirstjórnendur LSH hyggist láta brottvikninguna standa.