Miklar líkur á rauðum jólum

Það verða rauð jól um mestallt land samkvæmt áreiðanlegum heimildum Fréttablaðsins. Ekki er þó loku fyrir það skotið að lítilsháttar föl verði norðanlands en annars verður hátíðarveðrið milt í þeim landsfjórðungi sem öðrum.

Veðurklúbburinn á Dalbæ á Dalvík hefur komist að þessari niðurstöðu með þeim fyrirvara að endanleg spá verði ekki gefin fyrr en síðustu vikuna í nóvember. Einar Sveinbjörnsson veðurfræðingur kemst að svipaðri niðurstöðu og veðurfræðingar norðanlands, þó með ákveönum fyrirvörum. Veðurfræðingur á Veðurstofu Íslands segist hafa ákveðnar hugmyndir um jólaveðrið en treysti sér ekki til að staðfesta grunsemdir Dalbæinga eða Einars.