Sextán þúsund króna afgangur

Prófkjörsbarátta Jóns Gunnarssonar, þingmanns Samfylkingarinnar í Suðurkjördæmi, kostaði 1.033.362 krónur. Samkvæmt uppgjöri sem Jón hefur birt kostaði hann engu til sjálfur en þáði 1.050.000 krónur í framlög frá stuðningsaðilum.

Mismuninn, rúmar sextán þúsund krónur, gaf Jón til góðgerðarmála.

Mestur kostnaður var við auglýsingar og síma, tæpar 570 þúsund krónur.

Í tilkynningu segir Jón að prófkjör eigi ekki að snúast um keppni í eyðslu og vonar hann að þau muni ekki kosta milljónir og milljónatugi í framtíðinni.