Arnar Þór framlengir

Varnarmaðurinn Arnar Þór Úlfarsson hefur framlengt samning sinn við Fylki til næstu tveggja ára en gamli samningurinn átti að renna út um áramótin.

Arnar hefur spilað 39 leiki fyrir Fylki á þremur tímabilum og skorað í þeim tvö mörk. Hann er 26 ára gamall.

Christian Christiansen er enn í viðræðum við Fylkismenn en samningur hans rennur út um áramótin. Samkvæmt heimildum Fréttablaðsins hafa önnur lið sett sig í samband við Christian, þeirra á meðal Breiðablik.- esá