Síminn var fullur af klámi

Kristinu Birkeland frá Björgvin í Noregi brá heldur betur í brún þegar hún komst að því að nýi farsíminn hennar var stútfullur af klámmyndum.

Í minni símans var að finna fjölda ljósmynda af nakinni konu í kynferðislegum stellingum, að því er segir á fréttavef Aftenpost-en. Í spegli á einni myndinni mátti sjá að myndirnar höfðu verið teknar á þennan nýkeypta síma.

Síminn var lítillega rispaður, en Birkeland taldi það einungis vera framleiðslugalla. Í ljós kom að síminn var notaður þótt hann hefði verið seldur sem nýr.