Hætta á þrem borgarastríðum

 Abdullah II Jórdaníukonungur sagði um helgina hættu á því að borgarastyrjaldir brjótist út í þremur ríkjum Mið-Austurlanda á næsta ári, og nefnir þar Írak, Líbanon og Palestínu.

Á morgun kemur George W. Bush Bandaríkjaforseti í tveggja daga heimsókn til Jórdaníu þar sem hann ætlar að hitta að máli Nouri al-Maliki, forsætisráðherra Íraks.

Talsmaður Abdullah segir að konungurinn ætli að leggja mikla áherslu á það við Bush að leitað verði lausna á málefnum Palestínumanna.