Sterkasti maður heims 2005

Í kvöld verður á dagskrá fyrsti þátturinn af fimm um keppnina Sterkasti Maður Heims sem fram fór í Kína í nóvember á síðasta ári, en þar var Kristinn Óskar Haraldsson fulltrúi okkar Íslendinga og var aðeins hársbreidd frá því að komast í lokakeppnina. Þátturinn hefst klukkan 20:30 og verður á dagskrá næstu fimmtudagskvöld.

Í framhaldinu verða svo sýndir fimm þættir frá fyrstu keppninni sem Jón Páll Sigmarsson tók þátt í á sínum tíma, en það efni hefur aldrei sést áður í íslensku sjónvarpi. Jón setti þar nýja staðla í aflraunum og olli lífleg "sviðsframkoma" hans miklu fjaðrafoki í greininni á sínum tíma.