Alls ekki á förum til Englands

Franski landsliðsmaðurinn Nicolas Anelka, segist ekki vera á förum til enska úrvalsdeildarliðsins Newcastle. Að eigin sögn er hann ánægður í Tyrklandi og vill halda áfram með liði sínu, Fenerbache. Stjóri Newcastle, Graeme Souness, þarf á framherja að halda þar sem Michael Owen er fótbrotinn. Anelka segist hins vegar ekki vera að hugsa um félagaskipti. ,,Ég er mjög ánægður hjá Fenerbache og ætla mér að vera hér út samninginn minn. Öll félög sem hafa áhuga á mér verða að fara í gegnum klúbbinn. Fenerbache hefur ekki fengið nein tilboð í mig þannig að ég verð hér áfram. "