Kvikmyndastjarna etur kappi við atvinnumenn

Chad Campell heldur fjögurra högga forustu sinni á Bob Hope mótinu í golfi. Bob Hope mótið er spilað á fimm dögum á fjórum mismunandi völlum. Áhugamenn fá þarna tækifæri til að spila við atvinnumenn og er einn af þessum áhugamönnum, kvikmyndaleikarinn Matthew McConaughey sem átti eitt af bestu höggum gærdagsins.

McConaughey fór næstum því holu í höggi á 15. holu en hann var í holli með fyrirliða bandaríska hokkíliðsins frá árinu 198, Mike Euruzione. Phil Mikkelson sem vann þetta mót 2002 og 2004 lék hringinn í gær á 68 höggum eða fjórum undir pari. Hann er sex höggum á eftir Campell. J

ohn Senden, 34 ára Ástrali, lék á 68 höggum í gær, hann er á 15 undir pari eftir þrjá hringi. Campell sem hefur leikið vel á mótinu missti pútt á 17. holu en það var í fyrsta sinn sem hann fékk skolla á mótinu.

Campell hefur eins og áður segir fjögurra högga forustu áður en haldið er á New Classic völlin sem er talinn erfiðasti völlur af þessum fjórum völlum.