Við verðum að vinna Liverpool

Ruud van Nistelrooy, sóknarmaður Manchester United, hlakkar gífurlega til stórleiks helgarinnar í enska fótboltanum en Rauðu Djöflarnir fá Liverpool í heimsókn á Old Trafford í dag. Ruud sem er markahæsti leikmaður deildarinnar með 16 mörk vonast til að fullkomna þrennu sem felur í sér að stöðva sigurgöngu stóru liðanna þriggja á Englandi, Arsenal, Chelsea og nú Liverpool.

Í fyrra stöðvaði Man Utd 49 leikja sigurgöngu Arsenal og endurtók sama leikinn í nóvember sl. með sigri á Chelsea sem þá hafði ekki tapað 40 leikjum í röð. Liverpool hefur ekki tapað í síðustu 12 leikjum í deildinni og getur með sigri á morgun komist tveimur stigum upp fyrir Man Utd í 2. sæti deildarinnar.

"Liverpool er á frábærri siglingu þessa dagana en við höfum unnið önnur lið í svipaðri stöðu áðurog vonandi getum við það aftur. Þetta er einn af þessum leikjum sem maður hlakkar alveg frá því að leikjalistinn er gefinn út. Það þarf bara að líta á stigatöfluna til að sjá hvað þetta er mikilvægur leikur fyrir okkur. Við verðum að vinna." segir Nistelrooy, en Liverpool sem er aðeins einu stigi á eftir Man Utd á tvo leiki til góða.