Jón Arnór með 10 stig í sigri Napoli

Napoli, lið Jóns Arnar Stefánssonar í ítölsku A-deildinni í körfubolta, vann góðan útisigur á Bologna í gærkvöldi 90-80. Jón Arnór skoraði 10 stig í leiknum og er lið hans sem fyrr í þriðja sæti deildarinnar. Logi Gunnarsson skoraði 26 stig fyrir lið sitt Bayreuth í sigri á Stuttgart 90-76 í þýsku 2. deildinni.

Þá skoraði Jakob Sigurðarson 5 stig fyrir lið sitt Leverkusen þegar það tapaði heima fyrir Berlín 95-89, en liðið hefur valdið gríðarlegum vonbrigðum í vetur og er í fallbaráttu sem fyrr.