Hvað gerir Kobe Bryant?

Leikur Los Angeles Lakers og Golden State Warriors verður sýndur beint á NBA TV á Digital Ísland klukkan 03:30 í nótt, en þetta er fyrsti leikur Lakers síðan Kobe Bryant skoraði 81 stig gegn Toronto fyrir fimm dögum síðan og því aldrei að vita nema kappinn verði í góðu stuði í nótt.

Leikur Indiana Pacers og Cleveland Cavaliers verður sýndur skömmu eftir miðnættið í beinni útsendingu á Sýn og því er um að gera fyrir aðdáendur NBA að ná tveimur skemmtilegum leikjum í röð í beinni útsendingu á þessu ágæta föstudagskvöldi.