Fullyrðir að Hiddink verði næsti þjálfari Englendinga

Breskir fjölmiðlar greina frá því í dag að heyrst hafi til Sven Göran Eriksson fullyrða við fólk á matsölustað í Svíþjóð að Guus Hiddink verði næsti þjálfari enska landsliðsins í knattspyrnu, en Eriksson lætur sem kunnugt er af störfum eftir HM í sumar.

Eriksson var staddur í heimalandi sínu til að taka við verðlaunum frá Svíakonungi fyrir árangur sinn á sviði íþrótta, en ekki er víst að enska knattspyrnusambandið taki vel í þessar nýjustu slúðurfregnir af Eriksson.