Atkvæðagreiðsla vegna verkfalls slökkviliðsmanna hafin

Slökkviliðs- og sjúkraflutningamenn hófu á hádegi að greiða um það atkvæði hvort boða eigi til verkfalls sem hefjast á um miðjan marsmánuð. Um 280 atvinnuslökkviliðsmenn eru á kjörskrá og er kosið í deildum þeirra víða um land. Niðurstaða atkvæðagreiðslunnar liggur hins vegar ekki fyrir fyrr en á fimmtudag þar sem slökkviliðsmenn fá tvo daga til að kjósa.

Fundur í kjaradeilu Landsambands slökkviliðs- og sjúkraflutningamanna og Launanefndar sveitarfélaganna hófst hjá ríkissáttasemjara klukkan hálfeitt en þar verður rætt um launaliði samningsins. Slökkviliðsmenn binda nokkrar vonir við fundinn en eru þó hóflega bjartsýnir.