Real Madrid vann nágrannaslaginn

Real Madrid vann 2-1 sigur á Atletico Madrid í nágrannaslagnum í spænska fótboltanum í kvöld. Liðið er nú í 2. sæti deildarinnar, átta stigum á eftir toppliði Barcelona sem mætir Deportivo kl 21 í kvöld. Antonio Cassano og Julio Baptista skoruðu mörk Real Madrid en Mateja Kezman jafnaði metin fyrir Atletico á 27. mínútu en öll mörkin komu í síðari hálfleik.

Tveimur öðrum leikjum er lokið í spænsku úrvalsdeildinni í kvöld. Cadiz lagði Espanyol 2-0 og Villareal vann 3-2 sigur á Alaves. Barcelona sem nú er að keppa við Deportivo í beinni útsendingu á Sýn er efst með 59 stig, Real Madrid í 2. sæti með 51 stig, Valencia í 3. sæti með 50 stig og Osasuna í 4. sæti með 46 stig.