Búinn að ákveða hver verður næsti þjálfari

Forseti Real Madrid segist nú vera búinn að ákveða hvern hann geri að næsta þjálfara spænska stórveldisins, en neitar að gefa upp nafn hans. Margir af frægustu knattspyrnustjórum í Evrópu hafa verið orðaðir við stöðuna, en flestir þeirra hafa þegar neitað að vera á leið til Real Madrid.

"Ég hef íhugað málið vandlega og er nú búinn að ákveða hvern ég ræð í stöðuna. Næsti stjóri mun hafa góð ítök í stefnu okkar í leikmannamálum og ætlunin hjá okkur á næstunni er að byggja meira upp á ungum hæfileikamönnum sem við höfum alið upp hjá félaginu í stað þess að kaupa stjórstjörnur á hátindi ferilsins," sagði Martin.