House of Fraser sagt samþykkja tilboð Baugs

Stjórn House of Fraser hefur staðfest að hún eigi í viðræðum við Baug Group um yfirtöku á félaginu. Viðræður hafa farið fram um að Baugur bjóði 148 pens í hvern hlut en gangi tilboðið eftir er verðmæti House of Fraser um 48 milljarðar króna.

Breska blaðið Daily Telegraph greindi frá því í morgun að stjórn House of Fraser ætlaði að ganga að tilboði Baugs og hafa FL Group, KB banki og skoski fjárfestirinn Tom Hunter verið nefndir sem hugsanlegir samstarfsaðilar Baugs við yfirtökuna.