Ítalía yfir gegn tíu Tékkum

Ítalir hafa yfir 1-0 gegn Tékkum í leik liðanna í E-riðlinum á HM þegar flautað hefur verið til leikhlés. Það var varamaðurinn Marco Materazzi sem skoraði markið með glæsilegum skalla eftir fast leikatriði á 26. mínútu leiksins. Þetta var fyrsta mark hans fyrir ítalska landsliðið, en Materazzi kom inn fyrir Alessandro Nesta sem er meiddur í nára. Tékkarnir eru einum færri eftir að Jan Polak fékk sitt annað gula spjald fyrir gjörsamlega glórulausa tæklingu.

Útlitið er því sannarlega ekki glæsilegt fyrir Tékkana, því á sama tíma eru Ganamenn að vinna Bandaríkjamenn 2-1 og ef svo fer sem horfir, sitja Tékkarnir eftir í riðlinum.

Haminu Dramani kom Gana í 1-0 gegn Bandaríkjunum, en Clint Dempsey jafnaði á 43. mínútu. Ganamenn komust svo yfir aftur í uppbótartíma þegar Stephen Appiah skoraði úr vítaspyrnu.