Samningur Hasselbaink ekki endurnýjaður

Gareth Southgate, knattspyrnustjóri enska úrvalsdeildarliðsins Middlesbrough, staðfesti í dag að samningur hollenska framherjans Jimmy Floyd Hasselbaink yrði ekki endurnýjaður. Hasselbaink er 34 ára gamall og þó hann sé ef til vill kominn af léttasta skeiði, verða eflaust nokkur lið sem sýna honum áhuga í framtíðinni.

"Þetta var gríðarlega erfið ákvörðun, en við erum með sterka framherja fyrir hjá félaginu og þurfum að beina sjónum okkur að öðrum stöðum á vellinum," sagði Southgate um leið og hann þakkaði Hasselbaink fyrir vel unnin störf hjá félaginu.