Scott Carson lánaður til Charlton

Scott Carson, markvörður Liverpool, hefur verið lánaður til Charlton út leiktíðina og mun þar væntanlega berjast um sæti í byrjunarliðinu í vetur. Carson er í U-21 árs landsliði Englendinga, líkt og kollegi hans Chris Kirkland hjá Liverpool sem einnig er í láni frá félaginu.

Liverpool er ekki á flæðiskeri statt með markverði, því fyrir utan þá Jose Reina og Jerzy Dudek, festi það nýlega kaup á hinum unga og efnilega David Martin frá MK Dons, en sá er talinn verða þriðji markvörður liðsins í vetur.