Strákarnir gerðu það sem við lögðum fyrir þá

Steve McClaren var mjög sáttur við leik sinna manna í kvöld þegar hann stýrði enska landsliðinu til 4-0 sigurs á Grikkjum í sínum fyrsta leik sem landsliðsþjálfari. Hann sagði sína menn hafa gert allt sem hann lagði upp með fyrir leikinn.

"Þeta var frábær frammistaða, sérstaklega í fyrri hálfleiknum og strákarnir gerðu nákvæmlega það sem við lögðum upp með fyrir leikinn. Við vörðumst vel og börðumst um hvern einasta bolta. Við stjórnuðum ferðinni allan leikinn og ég var ánægður með sendingarnar hjá strákunum, sem og þolinmæði þeirra. Um leið og við náðum að skora sá ég að spilamennskan varð öll afslappaðri og ég get ekki verið annað en hæstánægður með frammistöðuna," sagði McClaren.