Maður í haldi vegna nauðgunartilraunar

Maður á þrítugsaldri viðurkenndi við yfirheyrslur hjá lögreglunni í Reykjavík í gær að hafa gert tilraun til að nauðga ungri konu, þegar hún var á leið til vinnu sinnar í Breiðholti aðfaranótt fimmtudags, fyrir viku.

Hann brá meðal annars hnífi að hálsi hennar og halut hún áverka áður en hún slapp frá honum og kallaði á hjálp. Lögreglan lagði mikið kapp á að upplýsa málið, sem leiddi til handtöku mannsins í gærmorgun. Ekki liggur fyrir hvort krafist verður gæsluvarðhaldsúrskurðar yfir manninum.