Hjálmar í byrjunarliðið

Eyjólfur Sverrisson hefur gert eina breytingu á byrjunarliði sínu fyrir leikinn gegn Dönum í undankeppni EM á Laugardalsvelli í kvöld, en hann hefur kallað Hjálmar Jónsson inn í liðið í stað Hannesar Þ Sigurðssonar. Annars er byrjunarliðið það sama og lagði Norður-Íra um helgina.

Árni Gautur Arason stendur í markinu. Í vörninni eru þeir Grétar Rafn Steinsson, Ívar Ingimarsson, Hermann

Hreiðarsson og Indriði Sigurðsson. Miðjumenn eru Kári Árnason, Jóhannes Karl

Guðjónsson, Brynjar Björn Gunnarsson og Hjálmar Jónsson og í framlínunni eru þeir Eiður Smári

Guðjohnsen og Gunnar Heiðar Þorvaldsson, þó sá fyrrnefndi eigi eflaust eftir að draga sig nokkuð aftur á miðjuna gegn sterku liði Dana.

Leikurinn hefst klukkan 18:05 og þegar síðast spurðist voru enn til nokkrir miðar á leikinn sem hægt er að nálgast á vefsíðunni miði.is.

Þá er rétt að minna á landsleik Íslendinga og Finna í körfubolta sem fram fer í Laugardalshöllinni klukkan 20:30.