Eitt númer í tveimur GSM símtækjum

Og Vodafone hefur tekið í notkun þjónustu sem gerir GSM notendum mögulegt að hafa eitt og sama símanúmerið í tveimur símtækjum.

Þjónustan, sem nefnist Aukakort, hentar til dæmis þeim sem eru með símtæki fyrir tölvupóstsamskipti og GSM þjónustu í vinnu en vilja hafa léttari og smærri GSM síma utan vinnutíma. Þá kemur þessi möguleiki að góðum notum fyrir þá sem eru með GSM búnað í bifreiðum sínum.

"Um er að ræða mikið hagræði fyrir þá GSM notendur, sem nota fleiri en eitt GSM símtæki, því nú geta þeir haft eitt símanúmer í stað þess að þurfa þess að vera með tvö númer," segir Gísli Þorsteinsson, upplýsingafulltrúi Og Vodafone.

Hægt er að fá nánari upplýsingar um Aukakort í verslunum Og Vodafone og á www.ogvodafone.is.