Hætt kominn í kviksyndi

10 ára drengur var hætt kominn þegar hann sökk upp að hálsi í kviksyndi skammt frá Akureyri. Drengurinn segir Guð hafa bjargað lífi sínu. Það voru hinsvegar dauðlegir menn sem beittu ýtrustu kröftum til að toga hann upp.

Þorsteinn Hjaltason, lögmaður og félagi hans Finnur Aðalbjörnsson, verktaki, voru á ferð á mótorhjólum sínum í gryfju skammt vestan Akureyrar þegar dró til tíðinda. Félagi drengsins sem var að sökkva niður í jörðina kallaði til þeirra.

Björgunarmennirnir þurftu að beita ýtrustu kröftum svo bogaði af þeim svitinn en jafnframt mikilli lagni til að skaða ekki drenginn við átökin.