Hert eftirlit með veiðiþjófum

Umhverfisráðuneytið hefur ákveðið að herða mjög eftirlit með hreindýraveiðum, þar sem fjölmargar ábendingar hafa borist um að þau séu veidd utan lögboðins veiðitíma. Umhverfisráðuneytið hefur komið þessum ábendingum á framfæri við sýslumanninn á Höfn í Hornafirði, og farið þess á leit að hann geri það sem í hans valdi stendur til að koma í veg fyrir ólöglegar veiðar á hreindýrum, með virkara eftirliti. Brot gegn lögum um veiðar varða sektum eða fangelsi allt að tveimur árum og sviptingu skotvopna- og veiðileyfis.