Kanar hugsuðu vel um gæludýr sín

Tröllasögur um að Bandaríkjamenn sem kvöddu herstöðina í Keflavík á dögunum, hafi skilið gæludýr sín eftir á vergangi, í stórum stíl, virðast ekki eiga við rök að styðjast.

Dýrafangarar á Suðurnesjum hafa fangað tvo ketti með amerísk örmerki

frá því að tilkynnt var um brottför Varnarliðsins í mars. Þeir kettir

voru hinsvegar komnir með íslenskt heimili en fóru á flakk í hugsanlegri leit að

fyrri eigendum.

Magnús H. Guðjónsson dýralæknir hjá Heilbrigðiseftirliti Suðurnesja

sagði í samtali við fréttastofu í morgun að engar tilkynningar hafi

borist um yfirgefna hunda eða ketti á Varnarsvæðinu. Bandaríkjamenn

hafi passað vel upp á gæludýrin sín og meðal annars haft dýralækni í

föstu starfi frá því í mars sem hafi tekið að sér að votta dýr sem

flutt voru erlendis, gefin eða svæfð.

Yfirlögregluþjónn á Keflavíkurflugvelli sagði ekki vita til þess að

yfirgefin dýr hafi fundist á varnarsvæðinu. Þess væri að minnsta kosti

ekki getið í dagbók lögreglu.