Glitnir styður árveknisátak Krabbameinsfélags Íslands

Glitnir hefur ákveðið að styðja árveknisátak Krabbameinsfélags Íslands sem nú stendur yfir. Af því tilefni hefur verið skipt um lit á vefsíðu Glitnis auk þess sem höfuðstöðvar Glitnis við Kirkjusand eru lýstar með bleiku ljósi.

Fram kemur í tilkynningu frá Glitni að bankinn hafi verið sterkur bakhjarl Krabbameinsfélagsins og meðal annars gefið því tæki að andvirði 40 milljónir króna til leitar að brjóstakrabbameini í ársbyrjun. Þá hafi safnast 2,5 milljóna króna áheit á Krabbameinsfélagið í tengslum við Reykjavíkurmaraþon Glitnis en flestir hlauparar hétu á Krabbameinsfélagið.