Ráðgjafi McClaren segir af sér

Max Clifford, ráðgjafi enska landsliðsþjálfarans Steve McClaren, hefur sagt starfi sínu lausu. Clifford var ráðinn til að tala fyrir munn þjálfarans í fjölmiðlum og vernda hann fyrir árásum ágengra blaðamanna.

"Það hefur komið æ betur í ljós á síðustu tveimur mánuðum að enska knattspyrnusambandið hefur ekkert við mig að gera og ætlar sjálft að sjá um samskipti við fjölmiðla," sagði Clifford, sem sá m.a. um samskipti við fjölmiðla fyrir Faria Alam sem átti í ástarævintýri með Sven-Göran Eriksson á sínum tíma.