Fara á yfir reglur um fangaflutninga

Lögreglan í Reykjavík leitar enn að Ívari Smára Guðmundssyni, tuttugu og sex ára fanga, sem strauk frá lögreglumönnum við Héraðsdóm Reykjavíkur í gær. Ívar var að afplána tuttugu mánaða dóm á Litla Hrauni vegna fíkniefnamála. Lögreglan telur ástæðu til að ætla að Ívar Smári geti verið varasamur en hann hefur sætt ákæru fyrir líkamsárás.

Fangelsismálastjóri ætlar í dag að funda með forstöðumönnum fangelsanna og fara yfir reglur um fangaflutninga. Þeir sem geta gefið upplýsingar um ferðir Ívars eru beðnir um að hafa samband við lögregluna í Reykjavík í síma 444-1000.