Viðskipti erlent

Risasamruni flugfélaga í farvatninu

Bandaríska flugfélagið US Airways hefur gert 8 milljarða dala yfirtökutilboð í bandaríska félagið Delta Air Lines. Þetta svarar til 566,8 milljarða íslenskra króna. Verði af samruna flugfélaganna verður til eitt stærsta flugfélag í heimi.

Samkvæmt yfirtökutilboðinu verður helmingur kaupverðsins greiddur með með peningum en hinn helmingurinn með hlutabréfum í US Airways.

Delta Air Lines fór fram á greiðslustöðvun á síðasta ári og getur þar af leiðandi ekki orðið af samruna fyrr en því verður aflétt, að sögn breska ríkisútvarpsins, BBC.

Þá er ennfremur stefnt að því að loknum samruna flugfélaganna að taka upp nýtt nafn. Hið sameinaða félag mun bera heitið Delta og fljúga til rúmlega 350 áfangastaða í fimm heimsálfum.
Erlent Fréttir Viðskipti


Mest lesið


Fleiri fréttir

Sjá meira


×

Mest lesið