Árásir í Darfur-héraði

Stjórnvöld í Súdan og Janjaweed-sveitirnar hafa hafið árásir á ný í norðurhluta Darfur-héraðs. Afríkubandalagið segir árásirnar brjóta í bága við öryggissáttmála sem er í gildi. Uppreisnarmenn á svæðinu telja að sjötíu manns hafi látist í árásunum.

Í yfirlýsingu sem Afríkubandalagið sendi frá segir að mikið mannfall hafi orðið meðal almennra borgara í árásunum, engar tölur eru þó gefnar upp um hversu margir hafa týnt lífi. Uppreisnarmenn segja að árásirnar í dag hafi verið vel skipulagðar.

Aðeins er sólarhringur síðan að stjórnvöld í Súdan fögnuðu auknum stuðningi friðargæsluliða Sameinuðu þjóðanna, við Afríkubandalagið, við friðargæslu í Darfur-héraði.

Átök í Darfur-héraði hófust árið 2003 og hafa kostað yfir tvö hundruð þúsund manns lífið. Auk þess sem talið er að um þrjár milljónir manna þurft að hverfa frá heimilum sínum.