Starfsmaður Impregilo enn á gjörgæsludeild

Kínverskum starfsmanni Impregilo á Kárahnjúkum, sem slasaðist alvarlega við Kárahnjúkastíflu á laugardagskvöld, er enn haldið sofandi í öndunarvél á gjörgæsludeild og er líðan hans óbreytt að sögn læknis. Maðurinn dróst um 40-50 metra niður stífluvegginn með kaðli sem hann notaði til að stýra bómu á krana og hafnaði hann á steypustyrktarjárni.

Þá er líðan mannsins sem brenndist illa í eldsvoða í Ferjubakka þann sjöunda þessa mánaðar óbreytt og er honum einnig haldið sofandi í öndunarvél á gjörgæsludeild. Eiginkona mannsins lést af sárum sínum.