Keflvíkingar steinlágu á heimavelli

Karlalið Keflvíkinga í körfubolta steinlá á heimavelli sínum fyrir tékkneska liðinu Mlekarna Kunin 108-78 í Áskorendakeppni Evrópu. Keflvíkingar hafa unnið einn leik í riðlinum en tapað þremur.

Magnús Þór Gunnarsson skoraði 26 stig fyrir Keflvíkinga í kvöld, en hitti aðeins úr 5 af 15 þristum sínum í leiknum. Tim Ellis skoraði 24 stig fyrir Keflavík, sem tapaði baráttunni um fráköstin 47-31 og slíkt kann ekki góðri lukku að stýra gegn jafn sterku liði og Kunin. Gestirnir hittu auk þess úr yfir 70% skota sinna inni í teig á móti aðeins 39% hittni gestanna.