Grétar spilaði í stórsigri AZ

Grétar Steinsson lék allan leikinn en Jóhannes Karl Guðjónsson var allan tímann á varamannabekknum þegar AZ Alkmaar burstaði Excelsior 5-0 í hollensku úrvalsdeildinni í fótbolta í dag.

Grétar lék í stöðu hægri bakvarðar en Jóhannes Karl missti sæti sitt í liðinu eftir að hafa verið í byrjunarliðinu í undanförnum leikjum. Danny Koevermars og Shota Arveladze skoruðu tvö mörk hvor fyrir AZ en eitt markanna var sjálfsmark.

AZ er í öðru sæti deildarinnar í Hollandi með 35 stig, en PSV er komið með 40 stig í því fyrsta eftir 6-0 sigur á Willem II í dag.