Strachan mjög ánægður með að mæta Milan

Gordon Strachan, þjálfari skoska liðsins Glasgow Celtic, segist mjög ánægður með þá miklu prófraun sem leikmenn hans fá í febrúar eftir að liðið lenti á móti ítalska liðinu AC Milan í 16-liða úrslitum Meistaradeildarinnar.

"Ég er mjög ánægður og spenntur að mæta Milan, því ég hef aldrei mætt þeim áður, hvorki sem leikmaður né þjálfari. Það verður frábær reynsla fyrir ungu strákana í liðinu að spila á San Siro og mæta þar nokkrum af bestu knattspyrnumönnum heims. Þar fá þeir að uppskeru erfiði síns síðustu tvö ár," sagði Skotinn. Þetta er í fyrsta sinn í sögu Celtic sem liðið kemst í 16-liða úrslit Meistaradeildarinnar með núverandi sniði.