Mike Tyson keyrði fullur

Lögreglan í Pheonix í Bandaríkjunum greindi í dag frá því að hnefaleikakappinn Mike Tyson hefði verið handtekinn um jólin vegna ölvunaraksturs. Tyson mun mæta fyrir rétt síðar í dag.

Þetta er langt frá því að vera í fyrsta sinn sem Tyson kemst í kast við lögin en hann á von á hárri fjársekt, sviptingu ökuleyfis og jafnvel skilorðsbundnu fangelsi fyrir uppátækið.

Hinn 40 ára gamli Tyson hefur setið í fangelsi fyrir nauðgun og margoft hlotið kæru vegna líkamsárasa og annara ofbeldisverka. Hann hætti í hnefaleikum árið 2005 en hefur á síðustu misserum komið fram í sýningarbardögum víðsvegar um heiminn.