Einar tekur við Fram-stelpum

Samkvæmt áreiðanlegum heimildum Fréttablaðsins verður Einar Jónsson næsti þjálfari kvennaliðs Fram. Einar tekur við starfinu af Magnúsi Kára Jónssyni sem mun sjá um þjálfun yngri flokka hjá félaginu.

„Ég er laus allra mála hjá ÍBV og hef heyrt í Frömurum. Það er samt ekki búið að ganga frá neinu," sagði Einar við Fréttablaðið í gær en hann er uppalinn hjá félaginu, þjálfaði áður yngri flokka í Safamýrinni og veit því af hverju hann gengur.

Heimildir Fréttablaðsins herma að gengið verði frá samningum um helgina eða strax eftir helgi.