Fyrirhyggjan í fyrirrúmi

Sumir glottu við þegar fréttist af því að danski milljarðamæringurinn og skipakóngurinn Mærsk McKinney-Möller hefði pantað sér skútu í fyrra. Smíðin átti að taka tvö til þrjú ár og þótti einhverjum Mærsk fullbjartsýnn. Hann er jú fæddur árið 1913, fagnar 94 ára afmæli í júlí og yrði ansi nálægt tíræðisaldrinum þegar skútan yrði afhent.

Ekki er þó vitað til þess að efri aldursmörk séu á ævintýraferðum á hafi úti. Tvær grímur virðast engu að síður nú hafa runnið á gamla því samkvæmt heimildum Markaðarins hefur hann dregið pöntunina á skútunni til baka. Vilji hann finna hressandi andvara leika sér um vanga við siglingu úr smábátahöfninni ætti honun hins vegar að vera hægur leikur að leigja sér bát.