Eitrað te dró Litvinenko til dauða

Breskir embættismenn hafa skýrt frá því að það hafi verið eitrað te sem hafi banað Alexander Litvinenko. Þetta kom í ljós þegar tekanna sem hafði verið í herbergi Litvinenkos var rannsökuð.

Kannan var notuð áfram eftir lát Litvinenko og segja rannsóknarmenn að þeir skammist sín fyrir að hafa ekki komist að þessu fyrr.

Það var einnig skýrt frá því að rannsóknarmenn hefðu komist að þeirri niðurstöðu að morðið hefði verið framkvæmt af „ríkisstyrktum" aðilum og skipulagt af rússnesku leyniþjónustunni. Rússar hafa þó neitað öllum tengslum við málið.