Búlgarar þrýsta á líbýsk stjórnvöld

Mörg þúsund manns söfnuðust saman á götum úti um alla Búlgaríu í dag til þess að sýna samstöðu með fimm samlöndum sínum sem voru dæmdir til dauða í Líbíu. Fimmmenningarnir voru dæmdir til dauða fyrir að hafa smitað fleiri en 450 börn af HIV veirunni. Fleiri en 50 þeirra hafa nú látist.

Alþjóðlegir hópar vísindamanna hafa sýnt fram á að fimmmenningarnir séu í rauninni saklausir. Þeir hafa sýnt fram á að börnin voru smituð þegar fimmmenningarnir komu til landsins. Búlgaría ætlar að beita sér fyrir því að koma á fót refsiaðgerðum gegn Líbýu ef stjórnvöld þar láta fólkið ekki laust.