Veður fer versnandi á landinu

"Já það er versnandi veður á sunnan og vestanverðu landinu og síðar í kvöld má búast við stórhríð á heiðum á Vestfjörðum og einnig gæti orðið talsvert blint á Holtavörðuheiði og raunar víðar gangi spár eftir" segir Sigurður Þ. Ragnarsson yfirveðurfræðingur á Veðurstofu Stöðvar 2.

Mjög djúp og kröpp lægð, 949 mbör, nálgast suðvestanvert landið og henni

fylgir töluverð úrkoma. "Það verður sennilega orðið mjög hvasst í

höfuðborginni um kvöldmatarleytið, nálægt 16-18 m/s en á hinn bóginn er

hitinn að hækka og því verður úrkoman mestmegnis í formi rigningar þar"

segir Sigurður. Hann segir að hiti verði hins vegar um eða undir

frostmarki víðast hvar á heiðum norðan til og á Vestfjörðum og því muni

snjóa þar með tilheyrandi skafrenningi og horfur séu á snörpum hviðum við

fjöll seint í kvöld og nótt. "Á morgun verður að líkindum viðast hvar

nokkuð hvasst en með áægtum hita á láglendi" segir Sigurður að lokum.