Blaðamaður enn í haldi

Breski blaðamaðurinn Alan Johnston er enn fangi einhversstaðar á Gaza ströndinni, en honum var rænt þar fyrir viku. Johnston sem er blaðamaður BBC hefur fylgst með fréttum á þessum slóðum síðastliðin þrjú ár. Enginn hefur enn lýst ráni hans á hendur sér. Bæði Fatah og Hamas samtökin hafa fordæmt mannránið.

Blaðamönnum og starfsmönnum hjálparstofnana er iðulega rænt á Gaza og Vesturbakkanum, en öllum hefur verið sleppt heilum á húfi eftir nokkrar klukkustundir. Það þykir því áhyggjuefni að Johnston skuli enn vera í haldi eftir sjö daga, og ekkert af honum frést.