23 ára nýliði með forystu á Zurich Classic

Kyle Reifers, 23 ára nýliði, stal senunni á Zurich Classic mótinu í bandarísku mótaröðinni í golfi í gær. Reifers náði tveggja högga forystu eftir magnaða spilamennsku.

Kyle Reifers er aðeins 23 ára og spilar á sínu fyrsta tímabili í bandarísku mótaröðinni. Hann tryggði sér þáttökurétt með því að setja niður pútt á lokaholunni á úrtökumótinu.

Frammistaða hans í gær var ótrúleg. Hann náði átta fuglum og tíu pörum á holunum átján. Lék á 64 höggum og setti vallarmet sem áður var í eigu Chris Di Marco. Di Marco er sjö höggum á eftir Reifers.

David Toms sem er fæddur í Louisana lék ágætlega í gær á 69 höggum en mótið fór ekki fram á þessum velli í fyrra vegna hamfarana í New Orleans.

Gamla kempan Mark Calcavecchia er í öðru sæti lék á 66 höggum, sex undir pari og er tveimur höggum á eftir Reifers. Calcavecchia vann á sínum tíma sigur á opna breska árið 1989.

Suður-Kóreumaðurinn Charlie Wie átti tilþrif dagsins þegar hann vippaði ofan í holu á átjándu. Wie átti skrautlegan hring, fékk fjóra fugla tvo skolla og skramba og er sjö höggum á eftir Reifers.

Fjórir kylfingar eru í þriðja sæti á fimm höggum undir pari. Tim Petrovic, Tom Johnson, Jason Schultz og Lucas Glover allt Bandaríkjamenn