Siðmennt fylgjandi hjónabandi samkynhneigðra

Siðmennt félag siðrænna húmanista á Íslandi vill að trúfélög fái heimild til að gefa saman samkynhneigð pör. Þeir telja að samkynhneigðir eigi að njóta sömu réttinda og aðrir í íslensku samfélagi. Þetta segir í fréttatilkynningu frá félaginu.

Siðmennt sendi Allsherjarþingi Alþingis umsögn sína um frumvarp til laga um réttarstöðu samkynhneigðra á síðasta ári. Félagið studdi breytingarnar sem lagðar voru til á réttarstöðu samkynhneigðra samkvæmt lögum. Þá kom fram skýr vilji félagsins til að lögum um hjúskap yrði breytt.

Í tilkynningunni segir að með breytingu á lögunum yrði trúfélögum heimilt, en ekki skylt að gefa samkynhneigða saman.

Siðmennt er málsvari mannúðarstefnu og frjálsrar hugsunar. Það er óháð trúarsetningum og stendur fyrir borgaralegum athöfnum.