Geir og Ingibjörg ætla að funda í Alþingishúsinu

Ingibjörg Sólrún Gísladóttir og Geir H. Haarde hittast í Alþingishúsinu klukkan hálf fimm í dag. Gert er ráð fyrir að formenn Sjálfstæðisflokks og Samfylkingar eigi viðræður um möguleika á að mynda ríkisstjórn eftir að viðræðum sjálfstæðismanna við Framsóknarflokkinn var hætt. 

Egill Helgason, stjórnmálaskýrandi Stöðvar tvö, segir að Geir velji Samfylkinguna frekar en Vinstri græna vegna þess að hann álitur Samfylkinguna vera stöðugri og áreiðanlegri kost en Vinstri græna. Þá er Samfylkingin betur tengd við stéttarfélögin og er stærri en Vinstri grænir.

Enn hefur ekkert heyrst frá Ingibjörgu Sólrúnu vegna yfirlýsingar Geirs um að hann ætlaði sér að athuga möguleika á samstarfi við Samfylkingu.