Líney Rut nýr framkvæmdastjóri ÍSÍ

Líney Rut Halldórsdóttir hefur verið ráðin nýr framkvæmdastjóri ÍSÍ. Þetta samþykkti framkvæmdastjórn sambandsins einróma á fundi sínum í hádeginu í dag. Líney tekur við starfinu af Stefáni Konráðssyni sem ráðið hefur sig sem framkvæmdastjóra Íslenskrar Getspár.

Líney er 46 ára íþróttafræðingur og starfar sem deildarstjóri íþrótta- og æskulýðsdeildar Menntaskólaráðuneytisins. Hún hefur starfað sem sviðsstjóri Afrekssviðs ÍSÍ og hefur víðtæka reynslu og þekkingu á starfi íþróttahreyingarinnar.

Líney er fyrsta konan sem gegnir starfi framkvæmdastjóra ÍSÍ.