Ísland kláraði undankeppnina með sigri

Eftir að hafa tapað fyrsta leiknum illa í undankeppni EM 2008 vann Ísland alla sína leiki sem eftir voru í riðlinum, nú síðast gegn Hvíta Rússlandi í morgun.

Ísland vann eins marks sigur á Hvíta Rússlandi, 31-30. Staðan í hálfleik var 19-15, Hvítrússum í hag.

Rakel Dögg Bragadóttir skoraði sigurmark leiksins þegar ein og hálf mínúta var til leiksloka. Íslenska vörnin stóð sína pligt allt til leiksloka og braust út mikill fögnuður þegar sigur íslenska liðsins varð ljós.

Mörk Íslands:

Rakel Dögg Bragadóttir 11/5

Guðbjörg Guðmannsdóttir 8

Sara Sigurðardóttir 3

Auður Jónsdóttir 2

Guðrún Drífa Hólmgeirsdóttir 2

Anna Úrsúla Guðmundsdóttir 2

Rut Jónsdóttir 1

Þórey Rósa Stefánsdóttir 1

Arna Sif Pálsdóttir 1

Ísland er nú með átta stig eftir fjóra sigurleiki en Hvíta Rússland lýkur keppni með sjö stig. Litháen mun væntanlega standa uppi sem sigurvegari riðilsins með níu stig ef liðið vinnur sigur á Bosníu í dag.

Annað sætið í riðlinum er þó tryggt hjá íslenska liðinu.

Heimild: handbolti.is.